Psa 130 | WNC | STEP | Buyambam tapa, na meyambam pake nata gae yanggamatanggat.

Psalms 130

Kau Isrel aminda taike miti yot gwene kopnanga kap taknga.

1 Buyambam tapa, na meyambam pake nata gae yanggamatanggat.
2 Buyambam tapa, nata gae kwanam sikgawanggatde natapso.
Gata butaya natangamuke
gatangamiakge yanggatde maak papso.
3 Sike gata nindane waiaknganin kendewiak kopatangu
mamin amin tapata wam yananga tapduk gwene kekekake gapbimbik? Wena.
4 Siwan ngana gata nindane waiaknganinu asandekgayak.
Unzingge ninda gae asiknga gwautnim.
5 Sike na Buyambam tapata siknga gatangamikge take siknga nataat.
Unzingge na ie kayuat. Sike na itane wam takngae baniu asinggat.
6 Aminu kakuya zikaane tasikaing aminda tapduk gwenu zet kwakawikge natayuwawa semna singgak.
Siwan na Buyambam tapaekan kayuat.
Siwan ita gatangamikge siknga natayuwawa semna siknga singgak.
7 Ginu Isrel amin, ginda baniu Buyambam tapae asiknga sinong.
Dasingge, ita ginde asingganu take siknga natandamunggak.
Sike ita gatandamuwawan meya takngatuta asingganu dua pasiwan mainingge nataak.
8 Ita inane aminabamu apme papik. Wa ninu Isrel nana unin.
Ita ninu pakenga waiaknganinu kuukgan sandetnimik.